Како да го регулирате варењето на храната и зошто е потребно да се користат пробиотици? ВТОР ДЕЛ

Како да се регулира варењето на храната и зошто е потребно да се користат пробиотици? ПРВ ДЕЛ

Да го погледнеме и вториот дел од текстот со корисни совети за здраво и регулирано варење на храната.

4. Внимавајте на храната која ви предизвикува проблеми (алергии и нетолеранција) 

Гастроинтестиналниот систем кај секој од нас има свои карактеристики и предиспозиции за можни алергии или нетолеранција на одреден тип храна.

Алергија на храна се јавува кога нашето тело, поточно нашиот имунолошки систем, погрешно ги препознава состојките од храната (најчесто тоа се специфични протеини) како материи штетни за организмот и почнува силно да се брани со брз, бурен па дури и опасен по живот воспалителен имунолошки одговор. Поради бурните реакции на телото секој кој има алергија обично добро знае која храна му ја предизвикува.

Многу е помала свесноста за избегнување на хранливи состојки кои предизвикуваат нетолеранција на одредена храна. Кај нетолеранција на храна станува збор за гастроинтестинални тегоби кои се јавуваат поради отсуство на одредени ензими за варење или поради неправилност на способноста на организмот да апсорбира одредени хранливи материи.

Нетолеранција на храна може да се манифестира на различни начини. Некои лица можат да внесат мала количина од проблематичната храна без поголеми проблеми. Кај нив само при поголема количина на проблематична храна се јавуваат симптоми и поради тоа се случува многу од нив воопшто да не се свесни за својата нетолеранција. Доколку често Ви се појавуваат необјасниви гастроинтестинални тегоби, наш совет е да водите дневник за храна, во кој ќе запишувате:

• која храна ја внесувате
• кои симптоми на гастроинтестинални нарушувања ги манифестирате
• временски распоред на храната и симптомите

Со ретроспективна анализа на таков дневник за храна, можете да забележите дали постои некаква поврзаност на храната која ја користите со (временски задоцнетата) појава на гастроинтестинални тегоби. На таков начин можете да сфатите дали имате некаква нетолеранција на храна и со избегнување, замена или ограничување на сомнителната храна може целосно да ги отстраните несаканите гастроинтестинални симптоми. Доколку имате гастроинтестинални тегоби подолг период препорачуваме да го посетите Вашиот лекар.

​​​​​​5. Здравата, разновидна и високо функционална цревна микрофлора е клучна за регулирано варење на храната

5.1 Што е тоа цревна микрофлора?    

Нашиот гастроинтестинален систем е населен со разновиден екосистем на микроорганизми чиј урамнотежен состав и соодветна активност се многу важни за регулирано и здраво варење на храната, како и за зачувување на општото здравје на организмот. Тие корисни кластери на микроорганизми (поголем број се бактерии) долго време го носат името цревна микрофлора. Некои од корисните функции на цревната микрофлора се:

• создавање различни хранливи материи за нас (домаќинот)
• спречување на инфекции кои ги предизвикуваат цревни патогени микроорганизми (штетни материи)
• подобрување на нормалниот имунолошки одговор

Меѓу научниците веќе долго време постои убедување дека составот и функцијата на цревната микрофлора зависат од нашите лични особини, меѓу кои најважни се:

• нашата возраст
• нашата општа здравствена состојба
• нашите можни болести
• нашето ниво на стрес

Новите истражувања ја откриваат големата важност на храната и додатоците на исхрана. Медицината базирана на докази денес го признава постоењето на директната врска помеѓу совршениот состав и работа нa цревната микрофлора и користењето на некои хранливи материи (пребиотици) и додатоци на исхрана (пробиотици).

5.4 Широка палета на корисни ефекти кои ги обезбедуваат пробиотиците

Пробиотиците како додаток на исхрана содржат еден или повеќе живи соеви на бактерии корисни за цревната микрофлора, кои го подобруваат варењето на храната преку бројни механизми на дејство:

• стимулираат развој на здрава цревна микрофлора
• одржуваат оптимален однос меѓу патогените и корисните цревни бактерии
• овозможуваат правилна обнова на цревната микрофлора после терапија со антибиотик
• го подобруваат синдромот на иритабилни црева
• спречуваат појава на карцином на дебело црево и ректум
• спречуваат појава на чир на желудникот
• спречуваат, односно го намалуваат времето на траење на дијареа
• ублажуваат нетолеранција на лактоза

Покрај ефектот врз варењето на храната, пробиотиците имаат и други бројни ефекти поволни за здравјето:

• ја зголемуваат силата на нашиот имунолошки систем
• ублажуваат алергијата на храна
• помагаат во совладување на забниот кариес
• ублажуваат кандидијаза
• го олеснуваат атопискиот дерматит

5.5 Зошто да одберете WAYA Biotic капсули?

Познато е дека различните соеви на пробиотски култури не се еквивалентни и поради тоа ви ги препорачуваме WAYA Biotic капсулите, кои го содржат нај испитуваниот пробиотски сој  Lactobacillus rhamnosus GG, кој според погоре опишаните општи пробиотски дејства има и други бројни предности потврдени со испитувања. Некои од тие предности следат во продолжение:

• Lactobacillus rhamnosus GG овозможува најефикасно намалување на дијареата предизвикана од терапија со антибиотици, што е докажано со голем број испитувања.
• Според испитување кое е спроведено во згрижувачки дом во Хелсинки, редовната употреба на Lactobacillus rhamnosus GG во облик на пробиотик значајно го намалила бројот на инфекции на респираторниот систем

Да заклучиме: пробиотиците ни овозможуваат многу позитивни ефекти на нашето здравје. Еден од предизвиците на производителите на пробиотски додатоци на исхрана е испорака на метаболно активни (живи) култури на местото на делување (во цревата).

Поради својата единствена технологија на испорака, WAYA Biotic капсулите се истакнуваат помеѓу другите пробиотици достапни на пазарот бидејќи со посебната технологија на микроенкапсулација обезбедуваат најголема концентрација на метаболно активни (живи) култури во дебелото црево, што овозможува највисок степен на ефикасност.